蝦蝦蝦蝦, 好鐘意食喇沙(附食譜)

上星期一終於整左我至愛的喇沙, 到今日先有時間寫BLOG, 自從入左一個FACEBOOK LC的GROUP之後, 我好開心咁煮野食, 我就熱衷番寫BLOG, 不過YAHOO BLOG成日出問題, 真係好煩!

言歸正傳, 等我分享一下喇沙點整先!


其實整喇沙係好多工序, 呢個係簡易版, 我用左LC 25 OVAL整, 因為落左好多料

材料: (2人份量)

喇沙醬約60g
水500毫克
椰奶一罐約450毫克
米線適量
豆腐卜6粒
魚旦及魚片各3粒
銀芽200克
新鮮蝦半斤
烚蛋一隻
蔥適量

做法: 

1. 將所有材料洗淨, 豆腐卜切開一半, 蝦剪腳, 將蝦頭剥下備用
2. 放500毫克水在煲內, 中火加蓋至水滾
3. 放入喇沙醬, 攪拌至與煲內的水溶為一體
4. 加入椰奶再攪拌, 加入蝦頭, 魚片及魚旦,煲至滾後加蓋轉細火煲十五分鐘後熄火焗十分鐘,讓蝦頭出味, 湯更香
5. 開中火至湯滾起, 加入米線及豆腐卜煮5分鐘
6. 加入蝦,銀芽及烚好的雞蛋加蓋煮3分鐘, 焗3分鐘
7. 最後試味再決定是否要加鹽, 加上蔥之後, 食得

小貼士:

1. 喇沙醬可以在一般售賣印尼食品的店買到
2. 如果是宴客的話, 可以將蝦頭放進魚袋後先煮湯, 湯煮好才取出蝦頭

Like my page please! Mme Magie的生活態度My Life My Attitude

 

 

   

想念明太子

每次去日本, 起碼一日食一個明太子飯團, 因為真係好好味!

前幾天去一田, 見到就買左返離, 自己整飯團!今次家姐都離試下, 用左25OVAL煮飯我都控制得好好,HEEHEE!


火燒明太子, 單手影, 所以手震

燒到有少少燶


買左飯團模整, 方便好多, 但唔知點解家姐整, 無一舊係實0既?

Like my page please! Mme Magie的生活態度My Life My Attitude

銅鑼灣一日遊

自從結婚之後, 都好少同家姐去街, 難得到暑假, 做老師的家姐終於放假, 我地可以去下街街喇!

我地今日去左銅鑼灣行街, 第一站誠品, 家姐要幫學校搵書, 而我只對COOK BOOK有興趣!

LADUREE的COOK BOOK好靚呀!

見到呢本, 不禁WHATSAPP左比MR. COOL, 問佢要唔要買番本, 因為佢話我在家的舉動好似貓, 等佢睇下我係咪真係咁似?HEEHEE, 最可惜他對貓毛嚴重敏感,會狂打噴嚏,唔係就可以養番隻!

去完誠品好肚餓, 食個LUNCH先, 去左間沖繩料理, 個沙律唔錯呀!

係銅鑼灣我竟然見到我第二最愛EASON..................................................................................................................................................................








張超大型的廣告

行到差唔多, 去左SOGO買餸, 家姐離食飯, 今晚食餐好D先!

韓式泡菜沙律

長腳蟹

薑蔥廣島蠔煲仔飯

安格斯牛扒

好開心的一天, 同家姐去街之餘, 仲一次過整左平時媽媽唔比家姐食的餸, 佢今晚都好開心!

Like my page please! Mme Magie的生活態度My Life My Attitude

一團團

自從上次係屋子咖啡食完個熱飯團之後, 心心不憤, 覺得非常搵笨, 我都整得好食過佢, 所以趁星期六下午整比HUBBY食!

用LC煮飯真係好快, 話咁快就整好大大小小可愛的飯團, 今次整左牛展, 肉鬆同傻素飯團, 由於沒有用飯團模, 全用人手搓, 所以無咁靚仔, 等我買番個飯團模先得喇!

Like my page please! Mme Magie的生活態度My Life My Attitude